Hvers vegna eru vatnsflöskur góðar kynningarvörur?

Vatnsflöskur og vatnsbrúsar eru með mest keyptu auglýsingavörum í dag.
Notagildi þeirra og þægilegt yfirborð til allskonar merkinga gerir það að verkum að þær eru oft
valdar sem markaðsefni. Flöskur eru vel þegnar gjafir sem viðtakandinn notar við ýmis tækifæri
bæði við leik og störf.

Það þarf að gæta að því að flaskan sé úr góðum gæðum og að efnið í henni hafi engin áhrif á
bragðgæði vatnsins.

Sagt er að það eru næstum engar “hættulegar” vatnsflöskur á markaðnum,
þar sem reglugerðir í þessum sviði eru strangar, og framleiðendur og eru skyldugir að prófa
slíkar vörur aftur og aftur. Hins vegar er mismunandi hvaða tegundir af vatnsflöskum henta
hverjum og einum.

Yfir höfuð eru vatnsflöskur góðar kynningavörur vegna þess að fólk raunverulega notar þær.

Segja má að drykkjarflöskur/brúsar skiptist í þrjá hópa

Vatnsflöskur úr BPA plasti og Tritan

Drykkjarflöskur úr BPA plasti og Tritan eru algengar og eru gjarnan keyptar vegna hagstæðs verðs.

Í flestum tilfellum eru plastvatnsflöskur úr gæðaefni, merktar BPA fríar þannig að
þær eru skaðlausar umhverfinu. Dæmi FXDp433.445

Tritan er algengur staðgengill glers enda lítur það svipað út en er nánast óbrjótanlegt og létt.
Tritan flöskur eru öruggar fyrir bæði kalda og heita drykki.

Vatnsflöskur úr BPA plasti og Tritan eru vinsælar meðal íþróttafólks

Málmbrúsar

Vatnsbrúsar úr málmi eru aðalega gerðir úr ryðfríu stáli eða áli.

Stálbrúsar með einföldum vegg er vinsælir til léttrar notkunar og geta haldið köldu
nokkuð vel og Stálbrúsar með tvöföldum vegg geta haldið bæði heitu og köldu mjög lengi.

Dæmi um einfaldan brúsa FC1168 og tvöfaldan brúsa FC5692

Álbrúsar. Dæmi FS94246 halda köldu nokkuð vel og kostur þeirra er hvað þeir eru léttir.

Stálbrúsar og álbrúsar eru mjög vinsælir fyrir útvist, íþróttir og á skrifstofuna

Glerflöskur

Gler er umhverfisvænt vegna þess að það má endurnýta. Glerflöskur henta vel til notkunar á
skrifstofum og á heimilum en síður á ferðalögum vegna brothættu. Gler þolir illa hita þannig
að það hentar bara fyrir kalda drykki.

Falleg vatnsflaska úr gleri getur verið smart kynningargjöf. Dæmi um glerflösku FS94646

Brúsar og flöskur geta verið merkt með mismunandi aðferðum t.d Silkiprentun, digital prentun
eða laserskurði. Suma brúsa má nafnamerkja

Notkun á auglýsingavörum á sýningum

Það er ekkert leyndarmál að allir hafa gaman af ókeypis gjöfum. Einmitt þess vegna eru auglýsingavörur
árangursríkar til kynningar á fyrirtækjum.

Fyrir vöru- eða fagsýningar kaupa margir kynningarvörur til að hafa á básnum sínum. Sumir kaupa ódýra penna eða aðra smávöru en aðrir vandaðri gjafir eins og vatnsflöskur eða boli eða fínni penna.

Tilgangur betri gjafa er að opna á samtal milli fyrirtækisins og tilvonandi eða núverandi viðskiptavinar.

Gott er að vita að mun árangursríkara er að rétta viðskiptavinum stærri gjafir í samtali heldur en að láta þær liggja í skál eða á borði fyrir alla sem ganga fram hjá básnum.

Einnig er sniðugt að vera með leik eða þraut þar sem vinningshafi fær vöru merkta fyrirtækinu í verðlaun. Bæði varan og fyrirtækið verður þá eftirminnilegra.

Betra er að kaupa nokkuð vandaðar vörur til að gefa í þessum tilgangi á sýningum heldur en að velja ódýrari vörur. Bæði vegna þess að fólk geymir frekar og notar vandaða hluti og eins vegna þess að endingargóð vara stuðlar að góðri ímynd fyrirtækisins.

Óskastaðan er að viðskiptavinir myndi tilfinningatengsl við fyrirtækjagjöfina og til þess að svo megi vera þarf hún að vera góð og helst svolítið sérstök.

Hægt er að gera vatnsflöskur, poka og fleiri hluti sérstakari með því að para saman við aðra hluti og gefa saman sem sett.

Ef þú vilt að viðskiptavinirnir á sýningunni noti vörur frá þér eins og boli, töskur og brúsa í sínu persónulega lífi er oft betra að merking fyrirtækisins sé frekar lítil svo að viðkomandi líði ekki eins og auglýsingaskilti. Einföld hrein hönnun er hér það sem máli skiptir.

Þeir sem velja að kaupa frekar ódýra penna eða aðra smávöru til að hafa á sýningu geta hins vegar vel látið hlutina liggja á borði fyrir alla að taka, vegna þess að tilgangur þessara hluta er að þeir fari á flakk. Merkingin á pennum og öðrum slíkum smáhlutum má því gjarnan vera áberandi.